04 جون ، 2012 
امیتابھ اور دھرمیندرا کی بلاک بسٹر کامیڈی فلم"چپکے چپکے"کا ریمیک
04 جون ، 2012
ممبئی…این جی ٹی…کامیڈی فلموں کے معروف ہدایتکار ڈیوڈ دھون نے 1975کی بلاک بسٹر کامیڈی فلم"چپکے چپکے"کا ریمیک بنانے کا اعلان کردیا۔ ڈیوڈ دھون کے مطابق انہوں نے پاکستانی اداکار و گلوکار علی ظفر کیساتھ اپنی کامیڈی فلم چشم بدور کی شوٹنگ مکمل کرلی ہے جس کے بعد اب انکا نیا پراجیکٹ چپکے چپکے کا ریمیک ہوگا۔ ڈیوڈ دھون نے ریمیک کے سلسلے میں اپنے پسندیدہ رائٹر رومی جعفری کی خدمات حاصل کرلی ہیں جن کا کہنا ہے کہ 36سال کے طویل عرصے بعد بننے والے اس فلم کے ریمیک کو جدید دور کے تقاضوں سے ہم آہنگ کرکے بنایا جائیگا۔واضح رہے کہ1975میں بننے والی کامیڈی فلم" چپکے چپکے "کی ہدایتکاری ہرشی کیش مکرجی نے دی تھی جس میں بالی ووڈ کے لیجنڈری اداکاروں امیتابھ بچن،دھرمیندرا،شرمیلا ٹیگور اور جیا بچن نے مرکزی کردار ادا کیے تھے۔
