دنیا
03 مارچ ، 2016
03 مارچ ، 2016 
پاکستانی ٹیم سے بھرپور تعاون کیا جائے گا، بھارتی میڈیا
03 مارچ ، 2016
نئی دلی......بھارتی میڈیا کا کہنا ہے کہ پٹھان کوٹ حملے کی تحقیقات کے لیے پاکستانی تفتیشی ٹیم مارچ کے وسط میں بھارت آئے گی، پاکستانی ٹیم سے بھرپور تعاون کیا جائے گا۔
بھارتی میڈیا کے مطابق پاکستانی تحقیقاتی ٹیم کو پٹھان کوٹ ایئر بیس کے بعض حصوں تک رسائی دی جائے گی۔ بھارتی حکام کے حوالے سے بھارتی میڈیا کا کہنا تھا کہ پاکستانی تحقیقاتی ٹیم کے ساتھ بھرپور تعاون کیا جائے گا۔
بھارت کی نیشنل انویسٹی گیشن ایجنسی پاکستانی تحقیقاتی ایجنسی سے رابطے میں رہے گی۔ 2جنوری کو پٹھان کوٹ ایئربیس حملے میں 7 بھارتی فوجی ہلاک جبکہ 6 حملہ آور مارے گئے تھے۔
