25 مئی ، 2016 
نیو یارک میں فلم ’ٹین ایج میوٹنٹ ننجا ٹرٹلز2‘کا ورلڈ پریمیئر
25 مئی ، 2016
نیو یارک میں ہالی ووڈ کی ایکشن سے بھرپور فلم ٹین ایج میوٹنٹ ننجا ٹرٹلزکے سیکوئل آؤٹ آف دی شیڈوزکے رنگا رنگ ورلڈ پریمیئر کا انعقاد کیا گیا۔
میڈیسن اسکوائر گارڈن میں منعقد ہونے والی اس رنگا رنگ تقریب میں شامل کئی افراد ننجا ٹرٹلز کے روپ میں ایکشن کرتے دکھائی دیئے۔
اس موقع پر فلم میں اداکاری کے جوہر دکھانے والے فنکاروں نے شرکت کرکے تقریب کو چار چاند لگادیئے جبکہ معروف امریکی ریپر وینیلا آئس نے بھی شاندار پرفارمنس پیش کی۔
ڈیو گرین کی ہدایت کاری میں بننے والی اس بڑے بجٹ کی فلم کی کہانی ایسے ٹرٹلز کے گرد گھوم رہی ہے، جو دنیا کو تباہی سے بچانے کیلئے میدان میں آجاتے ہیں۔
پیراماؤنٹ پکچرز کے بینر تلے بننے والی اس فلم میں مرکزی کردار ایک بار پھرہالی ووڈ سپر اسٹار میگن فاکس نبھا رہی ہیں جبکہ دیگر اداکاروں میں اسٹیفن آمل،وِل آرنٹ،ولیم فچنر اور ٹیلر پیری سمیت دیگر اداکار شامل ہیں۔
ایکشن اور کامیڈی سے بھرپورامریکن تھری ڈی سائنس فکشن فلم 3جون کو سینما گھروں کی زینت بنے گی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
