03 جون ، 2016 
منگلا ڈیم کیس:حکومتی یقین دہانی پردرخواست نمٹا دی گئی
03 جون ، 2016
لاہور ہائیکورٹ نے منگلا ڈیم کی صفائی اور مرمت کا ٹھیکہ بلیک لسٹ کمپنی کو نہ دینے کی حکومتی یقین دہانی پر درخواست نمٹا دی ۔ لاہور ہائیکورٹ کے جسٹس شمس محمود مرزا نے درخواست پر فیصلہ سنایا۔
سماعت کے دوران واپڈا کے وکیل نے یقین دہانی کرائی کہ کسی بلیک لسٹ کمپنی کو منگلا ڈیم کی صفائی اور مرمت کا ٹھیکہ نہیںدیا جا رہا۔ لاہور ہائیکورٹ نے حکومت کی یقین دہانی پر درخواست نمٹا دی۔
درخواست تحریک انصاف کے رہنما علی جاوید ڈوگر نے شیرازذکا ایڈووکیٹ کے توسط سے دائر کی، جس میں خدشہ ظاہر کیا گیا کہ حکومت منگلا ڈیم کی صفائی اور مرمت کا ٹھیکہ نے فرانس کی بلیک لسٹ کمپنی دے رہی ہے ۔
اس مقصد کے لیے غیر ملکی کمپنی سے 10 ارب روپے کا معاہدہ کیا ہے، درخواست میں اعتراض اٹھایا گیا کہ عدالتی فیصلوں اور قوانین کے تحت کسی بلیک لسٹ کمپنی کو ٹھیکہ نہیں دیا جا سکتا۔
