08 جون ، 2016 
پی سی بی گورننگ بورڈ کا اجلاس ہفتے کو لاہور میں ہوگا
08 جون ، 2016
پاکستان کرکٹ بورڈ کے گورننگ بورڈ کا اجلاس ہفتے کو لاہور میں طلب کیا گیا ہے ۔ چیئرمین شہریار خان کی صدارت میں ہونے والا یہ آخری اجلاس ہو سکتا ہے۔
پی سی بی کے گورننگ بورڈ کے اہم اجلاس کی صدارت چیئرمین شہریار خان کریں گے ۔ امکان ظاہر کیا جا رہا ہے کہ یہ چیئرمین شہریار خان کی صدارت میں ہونے والا آخری اجلاس ہوسکتا ہے ۔
جون کی وسط میں چیئرمین شہریار خان اپنی سا لانہ چھٹیوں پر جا رہے ہیں لیکن وہ اس دوران آئی سی سی کے سالانہ اجلاس میں ضرور شرکت کریں گے ۔
شہریار خان 20 اگست سے اپنے عہدے سے الگ ہو سکتے ہیں اس لیےیہ ان کا آخری اجلاس قرار دیا جا رہا ہے ۔ اجلاس میں کمیٹیز کی پیش رفت کے علاوہ بجٹ پر تفصیلی بات چیت ہو گی ۔
چیئرمین بورڈ، کرکٹ ڈویلپمنٹس کے حوالے سے بھی اراکین کو اعتماد میں لیں گے ۔
