کولمبو … چوتھے ایک روزہ میچ میں میزبان سری لنکا نے پاکستان کو44رنز سے ہراکر پانچ میچوں کی سیریز میں بر تری حاصل کر لی ہے۔میچ کے ایک مرحلے پر پاکستان کی فتح یقینی نظر آرہی تھی لیکن اس موقع پر تھیسارا پریرا کے ایک ہی اوور میں چار پاکستانی بیٹسمین پویلین لوٹ گئے جس میں ان کی ہیٹ ٹرک بھی شامل تھی جس کی بدولت پاکستان کی فتح شکست میں بدل گئی،پاکستان کے چھہ کھلاڑی صفر آؤٹ ہو ئے تاہم اظہر علی کی کارکردگی اس لحاظ سے اچھی رہی کہ وہ پاکستان کرکٹ کی تاریخ میں بیٹ کیری کرنے والے دوسرے بیٹسمین بن گئے ہیں ان کا انفرادی اسکور81رنز رہا لیکن وہ پاکستان کو فتح سے ہمکنار نہیں کرا سکے۔سری لنکا کے بولر تھیسارا پریرا نے ایک ہی اوور میں ہیٹ ٹرک کی،ان کی ہیٹ ٹرک کا پہلا شکار یونس خان بنے دوسرے شاہد خان آفریدی اور تیسرے شکار سرفراز احمد بنے جبکہ تھیسارا پریرا کے اس اوور میں سہیل تنویر رن آؤٹ بھی ہوئے یوں پاکستانی بیٹنگ ریت کی دیوار ثابت ہو ئی ڈھیر ہو گئی۔سری لنکا کی جانب سے تھیسارا پریرا نے چار،ملنگا نے دو جبکہ کالو سکیرا،میتھیوز اور سجیوا میراکون نے ایک وکٹ حاصل کی۔پانچ میچوں کی سیریز میں میزبان سری لنکا کو1-2کی برتری حاصل ہو گئی ہے پانچواں اور حتمی معرکہ پیر کو کولمبو میں ہوگا۔