12 ستمبر ، 2016 
780کچھوؤں کو عدالتی حکم پرکلرجھیل میں چھوڑ دیاگیا
12 ستمبر ، 2016
ڈبلیو ڈبلیو ایف اور محکمہ والڈ لائف سندھ نے کراچی میں غیر ملکی گینگ سے برآمد ہونے والے نایاب نسل کے780کچھوئوں کودریائے سندھ سے متصل کلرجھیل میں چھوڑ دیا ۔
کلر جھیل کے قدرتی ماحول میں دوبارہ چھوڑے جانےوالے نایاب نسل کے 780 بلیک پونڈ کچھووں کو سندھ کے مختلف علاقوں سے غیر قانونی طور پر پکڑا گیا تھا جنہیں والڈ لائف ٹیم نے کراچی میں کاررائی کرکے غیر ملکی گینگ سے برآمد کیا تھا۔
انٹرنیشنل مارکیٹ میں غیر ملکی گینگ سے برآمد ہونے والے تمام دریائی خاکروب کی مالیت آٹھ کروڑ روپے سے زائد ہے جنہیں عدالتی حکم پر قدرتی ماحول میں چھوڑا گیا تاکہ بڑھتی ہوئی دریائی آلودگی کوروکا جاسکے۔
غیرقانونی طور پر پکڑے گئےکچھووں کو ان کے قدرتی ماحول میں چھوڑنے سے نہ صرف ان کی افزائش نسل میں اضافہ ہوگا بلکہ دریائی آلودگی میں بھی کافی حد تک کمی ہوگی۔
