12 جنوری ، 2012 
امریکا کا شام میں اپنے سفارتی عملے میں کمی کا اعلان
12 جنوری ، 2012
دمشق…امریکا نے شام میں اپنے سفارتی عملے میں کمی کا اعلان کردیا۔ امریکی وزارت خارجہ کی جانب سے جاری کردہ بیان میں کہا گیا ہے کہ امریکی حکام نے شام میں جاری پر تشدد واقعات میں مزید اضافہ کے پیش نظر وہاں تعینات اپنے سفارتی عملے میں کمی کا اعلان کردیا ہے ۔واضح رہے کہ امریکا نے گزشتہ برس نومبر میں شدید خطرے کے پیش نظر اپنے سفیر کو واپس بلا لیا تھا۔ دوسری جانب امریکی وزیر خارجہ ہیلری کلنٹن نے صدر بشارالاسد کی جانب سے شام میں بین الاقوامی طاقتوں کے ملوث ہونے کے الزام کی شدید مذمت کرتے ہوئے اسے غیر ذمہ دارانہ بیان قرار دیا ہے ۔انہوں نے کہا کہ صدر بشارالاسد کی حکومت ملک سے تشدد ختم کرکے اپنے قیدیوں کی رہائی اور شہریوں سے سکیورٹی فورسز نکالنے میں ناکام رہی ہے۔
مزید خبریں :
دمشق ائیرپورٹ کا فضائی آپریشن بحال ہوگیا
8 گھنٹے پہلے
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
