02 جولائی ، 2012 
مصر: صدر کی آمد ورفت کے وقت ٹریفک بند کرنے پر پابندی
02 جولائی ، 2012
قاہرہ…مصر کے صدر ڈاکٹر محمد مْرسی نے اندرون ملک اپنے دوروں اور آمد ورفت کے دوران ٹریفک کی روانی میں کسی قسم کی رکاوٹ پیدا کرنے کی سختی سے ممانعت کرتے ہوئے سڑکوں پر اپنے حق میں تقریبات اور جلسے جلوسوں پر پابندی عائد کر دی ہے۔ صدر کے حکم کے تحت اب حکومت کے کسی دوسرے اعلیٰ عہدیدار کے لیے بھی سڑکوں پر جلوس اور تقریبات منعقد نہیں کی جا سکیں گی۔وزیر داخلہ کے معاون خصوصی اور ٹریفک کے امور کے انچارج بریگیڈیئر مصطفی راشد نے میڈیا کو بتایا کہ صدر نے سابق حکومت کی جانب سے سڑکوں پر وی آئی پی شخصیات کے سفر کے دوران ٹریفک بند کرنے کے حکم نامے کو منسوخ کرتے ہوئے ہدایت کی ہے کہ ان سمیت حکومت کی کسی بھی شخصیت کی وجہ سے اندرون ملک دوروں کے دوران ٹریفک جام نہیں ہونا چاہیے اور نہ ہی ان کے اعزاز میں کسی قسم کا جلوس نکالا جائے اور نہ تقریبات منعقد کی جائیں۔
مزید خبریں :
سوڈان: طیارے اور رکشے میں تصادم کے نتیجے میں 4 افراد ہلاک ہوگئے
27 اکتوبر ، 2024
رتن ٹاٹا کی وصیت میں کس کو کیا ملا؟
27 اکتوبر ، 2024
میکسیکو میں بس کھائی میں گرنے سے 19 افراد ہلاک
27 اکتوبر ، 2024
