04 جولائی ، 2012 
ملک بھر سے 2ہزار سے زائد نیٹو کنٹینرز افغانستان جانے کیلئے تیار
04 جولائی ، 2012
کراچی… نیٹو سپلائی کی بحالی کے بعد ملک بھر سے دو ہزار سے زائد نیٹو کنیٹرز افغانستان جانے کیلئے تیار ہیں۔ کراچی کی بندرگاہ سے کنٹینرز 2روز بعد خیبر ایجنسی کے قریب طور خم بارڈرپہنچ جائیں گے۔ ایف بی آر اور وفاقی وزارت داخلہ کی نیٹو سپلائی کو چمن بارڈر کے راستے کھولنے کے احکامات کسٹم حکام کو موصول ہوگئے۔کسٹم حکام کا کہنا ہے کہ وزارت داخلہ اور ایف بی آرکی جانب سے الگ الگ نوٹی فکیشن بذریعہ فیکس مل گیا ہے۔نیٹو سپلائی کی بحالی کے بعد چمن میں درجنوں کنیٹرز کو افغانستان منتقل کرنے کے لئے آپریشن شروع کردیاگیا ہے۔کسٹم حکام کا کہنا ہے کہ آج شام تک کئی کنٹینرز افغانستان روانہ کردیا جائیگا۔ نیٹو سپلائی کی بحالی کے بعد سیکورٹی انتظامات انتہائی سخت کردیئے گئے ہیں۔
