کراچی کے آرٹس کونسل میں آن لائن پیسا کمانے کے گُر سکھانے کے حوالے سے سیمینار کا انعقاد کیا گیا جس میں زندگی کے مختلف شعبوں سے تعلق رکھنے والے افراد نے بڑی تعداد میں شرکت کی۔

سیمینار کا انعقاد بلاگرز کمیونٹی کی جانب سے آرٹس کونسل کے گُل رنگ ہال میں کیا گیا جس میں کراچی کے علاوہ دیگر شہروں سے تعلق رکھنے والے نامور بلاگرز نے آن لائن پیسے کمانے کے گُر سکھائے۔

سیمینار میں محسن ضیاء، عمر افتخار، عبد الولی، اسامہ مسعود اور دیگر معروف بلاگرز نے بلاگنگ، فری لانسنگ اور آن لائن پیسا کمانے کے موضوع پر لیکچرز دیئے۔

شرکاء نے سیمینار کے موضوع پر اپنی رائے کا اظہار کرتے ہو ئے اسے بہترین موضوع قرار دیا اور کہا کہ ایسے سیمینار کا انعقاد وقت کی ضرورت ہے۔