خبردار اور ہوشیار پنجاب پولیس نے اپنے ایسے ملازمین کے خلاف کارروائی شروع کر دی ہے، جو سوشل میڈیا پر حکومت مخالف پروپیگنڈے میں ملوث ہیں۔

پولیس حکام کےمطابق سوشل میڈیا پرحکومت مخالف پروپیگنڈےمیں ملوث پولیس افسروں اور اہلکاروں کے خلاف کارروائی کا فیصلہ کیاگیاہے۔

اس سلسلے میں گوجرانوالہ سے تعلق رکھنے والے ایک کانسٹیبل حافظ سمیر احمد کو شوکاز نوٹس جاری کیا گیاہے۔ حافظ سمیر احمد پرالزام ہے کہ اس نے سوشل میڈیا پر حکومت مخالف پوسٹ شیئر کی تھی۔

نوٹس میں کہا گیا ہے کہ 3دن میں جواب دے ورنہ اس کے خلاف پولیس رولز کے تحت سخت کارروائی کی جائے گی۔