پاکستان
06 جولائی ، 2012
06 جولائی ، 2012 
تربت: کھڈان میں گاڑیوں پر فائرنگ، 18 افراد ہلاک، متعدد زخمی
06 جولائی ، 2012
کوئٹہ … تربت کے علاقے کھڈان میں نامعلوم افراد نے گاڑیوں پر فائرنگ کر کے 18 افراد کو قتل کردیا، واقعے میں متعدد افراد زخمی بھی ہیں۔ ذرائع کے مطابق کراچی سے براستہ تربت ایران جانے والی مسافر گاڑیوں پر نامعلوم موٹر سائیکل سوار ملزمان نے فائرنگ کی ہے جس کے نتیجے میں 18 افراد کی ہلاکت کی اطلاعات ہیں جبکہ متعدد افراد زخمی بھی ہوئے ہیں۔ نمائندہ جیو نیوز کے مطابق ذرائع نے بتایا ہے کہ موٹر سائیکل ملزمان مسافر گاڑیوں پر فائرنگ کے بعد فرار ہوگئے۔ ریسکیو اور قانون نافذ کرنے والے اداروں کے اہلکار جائے وقوعہ پر پہنچ گئے ہیں جبکہ جاں بحق افراد کی لاشیں اور زخمیوں کو قریبی اسپتال منتقل کیا جارہا ہے۔
