لاہور قلندرز کرکٹ کی دنیا میں ایک قدم اور آگے آگئی،لاہور قلندرز کےمالک فواد نعیم رانا نے ڈربن کی فرنچائز حاصل کرلی۔

پی ایس ایل کا بڑا نام لاہور قلندرز اب دنیا میں اپنا لوہا منوانے کو تیار ہے،لاہور قلندرز نے ٹی 20 گلوبل لیگ جنوبی افریقہ میں ڈربن قلندرز خرید لی۔

لاہور قلندرز کے مالک فواد نعیم رانا کا کہنا ہے کہ ڈربن قلندرز میں جنوبی افریقہ کے 6مزید کھلاڑی بھی شامل ہوں گے، ٹیم میں جنوبی افریقہ کے علاوہ دوسرے ملکوں کے کھلاڑی بھی شامل ہوں گے۔

جنوبی افریقہ میں نئی تشکیل کردہ لیگ میں 8 ٹیمیں حصہ لیں گی، جنوبی افریقہ کے کھلاڑی دوسرےملکوں کےکرکٹرز کے ساتھ تجربات شیئر کریں گے۔

رانا فواد کا کہنا ہے کہ لاہور قلندرز تجربات شیئر کرنے کے موقع سے زیادہ سے زیادہ فائدہ اٹھائیں گے، لاہور قلندرز کے کھلاڑیوں کو ان کے ٹیلنٹ اور مہارت کو بڑھانے کاموقع دینا چاہتے ہیں۔