10 ستمبر ، 2017 
ورلڈ الیون سیریز: میچز کو انٹرنیشنل درجہ حاصل ہوگا، آئی سی سی
10 ستمبر ، 2017
کراچی: انٹرنیشنل کرکٹ کونسل (آئی سی سی) کا کہنا ہے کہ پاکستان اور ورلڈ الیون کے درمیان ہونیوالے ٹی ٹوینٹی میچز انٹرنیشنل میچ کا درجہ رکھیں گے اور ان میچز میں دی جانے والی پرفارمنسز کھلاڑیوں کی رینکنگ پر بھی اثر انداز ہوں گی۔
آئی سی سی کے ترجمان نے جیو نیوز سے گفتگو میں اس بات کی تصدیق کی کہ پاکستان اور ورلڈ الیون کے درمیان ہونیوالی اینڈپینڈینس سیریز میں دنیا بھر کے انٹرنیشنل کرکٹرز ایکشن میں ہوں گے، اس لئے اس سیریز کے تمام میچز انٹرنیشنل میچ کا درجہ رکھیں گے۔
ترجمان نے مزید بتایا کہ میچز کی انفرادی کارکردگی کھلاڑیوں کی انفرادی رینکنگز میں شمار ہوگی تاہم ٹیم رینکنگ پر ان میچز کے نتائج اثر انداز نہیں ہوں گے۔
ترجمان کا کہنا تھا کہ ٹیم رینکنگز میں دو ملکوں کی ٹیموں کے ریٹنگز پوائنٹ کی بنیاد پر کیلکولیشن ہوتی ہے اور اس سیریز میں ایسا نہیں ہورہا لہٰذا ٹیم رینکنگ پر کوئی فرق نہیں پڑے گا۔
آئی سی سی ورلڈ الیون ٹیم فاف ڈو پلیسی کی قیادت میں اتوار اور پیر کی درمیانی شب پاکستان پہنچ رہی ہے، یہ ٹیم پاکستان کیخلاف تین ٹی ٹوینٹی میچز 12، 13 اور 15 ستمبر کو لاہور کے قذافی اسٹیڈیم میں کھیلے گی ۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
