دنیا
18 جولائی ، 2012
18 جولائی ، 2012 
یاسر عرفات کے قتل کی تحقیقات کیلئے عالمی کمیشن کے قیام کا مطالبہ
18 جولائی ، 2012
قاہرہ… عرب لیگ نے ایک بار پھر مرحوم فلسطینی رہنما یاسر عرفات کے مبینہ قتل کی تحقیقات کیلئے عالمی کمیشن کے قیام مطالبہ کردیا۔ عرب لیگ کے نائب سیکریٹری جنرل احمد الصبیح نے مقامی اخبار کو انٹرویو دیتے ہوئے کہا کہ عرب لیگ کے خصوصی اجلاس میں 2004ء میں مرحوم فلسطینی رہنما یاسر عرفات کے مبینہ قتل کے محرکات پر بحث کی جائے گی۔ انہوں نے کہا کہ اجلاس کے شرکاء قتل کی تحقیقات کیلئے غیر جانبدار عالمی کمیشن قائم اور شفاف تحقیقات کرنے کا مطالبہ کریں گے۔ سوئس سائنسدان نے انکشاف کیا تھا کہ ابتدائی تحقیقات کے مطابق سابق فلسطینی رہنما یاسر عرفات کو تابکار مواد پلونیم کے ذریعے قتل کیا گیا ہے۔
