منی لانڈرنگ کیس: ایف آئی اے نے ایم کیوایم رہنماؤں سے پوچھ گچھ شروع کردی

اسلام آباد: ایف آئی اے نے خدمت خلق فاؤنڈیشن کے خلاف منی لانڈرنگ کیس میں ایم کیوایم رہنماؤں سے پوچھ گچھ شروع کردی۔

ذرائع کے مطابق ایم کیوایم اورخدمت خلق فاؤنڈیشن کے خلاف منی لانڈرنگ کیس کی تحقیقات شروع کردی ہیں اور اس حوالے سے ایم کیوایم رہنماؤں سے پوچھ گچھ کا بھی آغاز کردیا گیا ہے۔

ذرائع کے مطابق اسلام آباد ایم کیوایم کے ڈپٹی کنوینر کنور نوید جمیل سے ڈائریکٹر ایف آئی اے مظہر کاکا خیل نے پوچھ گچھ کی جو دو گھنٹے تک جاری رہی۔

ذرائع کا کہنا ہے کہ ایف آئی اے حکام نے کنور نوید سے سوال کیا کہ کس طریقےسے پیسے بیرون ملک بھجوائے جاتے رہے؟ پیسے اکٹھے کرنے کا طریقہ کار کیا تھا؟

ذرائع کے مطابق ایف آئی اے نے ڈاکٹر فاروق ستار کو بھی 23 فروری کو طلب کیا تھا لیکن وہ پیش نہیوں ہوئے۔

واضح رہےکہ وفاقی تحقیقاتی ادارے (ایف آئی اے) نے ایم کیوایم کی خدمت خلق فاؤنڈیشن سے متعلق منی لانڈرنگ کیس میں 10 رہنماؤں کو طلب کررکھا ہے۔

خدمت خلق فاؤنڈیشن سے منسلک 10 ایم کیو ایم رہنما منی لانڈرنگ کیس میں طلب

ان رہنماؤں کو ایف آئی اے انسداد دہشت گردی ونگ اسلام آباد میں 15 فروری کی صبح 11 بجے پیش ہونے کے خطوط لکھ دیے گئے ہیں

ارشد وہرا منی لانڈرنگ میں ملوث رہے ہیں، سرفراز مرچنٹ

لندن منی لانڈرنگ کیس کے گواہ سرفراز مرچنٹ نے دعوی کیا ہے کہ کراچی کے ڈپٹی میئر ارشد وہرا بانی ...