سینیٹ انتخابات: الیکشن کمیشن کا مبینہ ہارس ٹریڈنگ کیخلاف کارروائی کا فیصلہ

اسلام آباد: الیکشن کمیشن نے سینیٹ الیکشن میں مبینہ ہارس ٹریڈنگ پر کارروائی کا فیصلہ کرلیا۔

سینیٹ انتخابات کے بعد مختلف سیاسی جماعتوں کے قائدین اور ارکان پارلیمنٹ کی جانب سے ہارس ٹریڈنگ کا الزام لگایا گیا ہے۔

سینیٹ انتخابات میں پیسہ چلا، اس کا حساب کتاب ہونا چاہیے: نواز شریف

اس بار کھلے عام سب کچھ ہوا، سینیٹ الیکشن میں پیسے کے کھیل کو دفن کرنا چاہتے ہیں، سابق وزیراعظم

چیئرمین تحریک انصاف عمران خان نے سینیٹ الیکشن میں خیبرپختونخوا اسمبلی کے ارکان کی ہارس ٹریڈنگ کا اعتراف بھی کیا ہے۔

جب کہ ایم کیوایم پاکستان کے فاروق ستار نے بھی سینیٹ الیکشن میں ہارس ٹریڈنگ کا الزام عائد کرتے ہوئے اسے چیلنج کرنے کا اعلان کیا۔

الیکشن کمیشن کا اعلامیہ

جیونیوز کے مطابق الیکشن کمیشن نے سینیٹ الیکشن میں مبینہ ہارس ٹریڈنگ کے خلاف کارروائی کا فیصلہ کیا ہے اور اس حوالے سے ایک علامیہ بھی جاری کیا گیا ہے۔

الیکشن کمیشن کے اعلامیے کے مطابق سینیٹ انتخابات کے بعد مختلف پارٹی قائدین اور اراکین کے بیانات شائع ہوئے جس میں ہارس ٹریڈنگ کی بات کی گئی۔

فاروق ستار کا سینیٹ انتخابات الیکشن کمیشن میں چیلنج کرنے کا اعلان

سینیٹ الیکشن میں جو کچھ ہوا اُس پر شرمندہ ہیں مگر کارکن یقین رکھیں کہ ایم کیو ایم برائے فروخت نہیں، فیصل سبزواری

الیکشن کمیشن اعلامیے میں کہا گیا ہےکہ سینیٹ الیکشن میں ہارس ٹریڈنگ کے الزامات لگانے والے ثبوت کے ساتھ 14 مارچ کو پیش ہوں تاکہ مبینہ ہارس ٹریڈنگ کے خلاف کارروائی کی جاسکے۔