08 مارچ ، 2018 
پراعتماد تھا آخری اوور میں رنز بناکر ٹیم کو میچ جتوادوں گا، کوئٹہ کی فتح کے ہیرو حسان خان
08 مارچ ، 2018
دبئی: ملتان سلطانز کے خلاف کوئٹہ گلیڈی ایٹرز کی فتح کے ہیرو حسان خان نے کہا ہے کہ آخری اوور میں پراعتماد تھا کہ مطلوبہ رنز بناکر ٹیم کو جیت دلوادوں گا۔
میچ کے بعد جیو نیوز سے گفتگو میں انہوں نے کہا کہ اندازہ تھا زیادہ رنز نہیں ہیں اور یہ میچ اپنی ٹیم کے لیے فنش کرسکتا ہوں اور ایسا کرنے میں کامیاب رہا۔
حسان خان نے کہا کہ پی ایس ایل کسی بھی نوجوان کھلاڑی کے لیے اچھا پلیٹ فارم ہے، وہ یہاں اپنا ٹیلنٹ دکھا سکتے ہیں۔
انہوں نے کہا کہ وہ ٹیم کی اہم میچ میں فتح میں کردار ادا کرنے میں خوش ہیں۔
ان کا مزید کہنا تھا کہ یہ ان کے کریئرز کا آغاز ہے، آگے بھی وہ کوشش کریں گے کہ مستقل اچھی کارکردگی دکھاتے ہیں۔
خیال رہے کہ کوئٹہ کو آخری اوور میں 9 رنز درکار تھے اور اس کی صرف دو وکٹیں ہی باقی رہ گئی تھیں۔
ایسے میں حسان خان نے کیرون پولارڈ کے اوور کی پانچویں گیند پر چھکا لگاکر اپنی ٹیم کو فتح سے ہمکنار کروایا۔
ترجمہ اور ایڈیٹنگ: زین العابدین صدیقی
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
