ڈیرن سیمی پی ایس ایل 3 میں کم بیک کرنے کے حوالے سے پراعتماد

دبئی: اسلام آباد یونائیٹڈ کے خلاف شکست کے بعد پشاور زلمی کے کپتان ڈیرن سیمی نے کہا ہے کہ ان کی ٹیم ٹورنامنٹ میں کم بیک کرنے کی صلاحیت رکھتی ہے۔

پشاور زلمی اب تک ٹورنامنٹ میں 7 میچز کھیل چکی ہے جس میں اسے تین کامیابی ہوئی جبکہ چار میں شکست کا سامنا کرنا پڑا۔

پوائنٹس ٹیبل پر زلمی کے 6 پوائنٹس ہیں اور یہ ٹیبل پر صرف لاہور قلندرز سے ہی آگے ہے۔

جیو نیوز سے گفتگو میں سیمی نے کہا کہ جب تک کپتان ہوں اس بات پر یقین رکھوں گا کہ ہم ٹورنامنٹ میں کم بیک کرسکتے ہیں۔

کیا لاہور قلندرز اب بھی ٹاپ فور میں جگہ بناسکتے ہیں؟

مسلسل شکستوں کے بعد پی ایس ایل میں لاہور قلندرز کی پہلی فتح کے ساتھ ہی ٹورنامنٹ انتہائی دلچسپ صورت حال اختیار کر گیا ہے

ان کا کہنا تھا کہ ٹورنامنٹ کے آغاز اور درمیان میں ٹیم میں انجریز ہوئیں لیکن اسے شکست کا بہانہ نہیں بنانا چاہتے۔

زلمی کے کپتان کا کہنا تھا کہ ہماری ٹیم پلے آفس کھیلنے اور ٹورنامنٹ جیتنے کی بھرپور صلاحیت رکھتی ہے تاہم پلانز پر گراؤنڈ میں عمل کرنا ہوگا۔

انہوں نے کہا کہ پاکستان میں کرکٹ واپس لانے میں کردار ادا کرنے پر فخر ہے، اگر پلے آفس تک پہنچتے ہیں تو جانتا ہوں پچھلی بار کی طرح اس بار بھی زلمی کے تمام کھلاڑی فائنل کھیلنے پاکستان جائیں گے۔

ترجمہ اور ایڈیٹنگ: زین العابدین صدیقی