27 مارچ ، 2018 
شنگھائی الیکٹرک نے کے-الیکٹرک کی خریداری کیلئے نئی پیشکش کر دی
27 مارچ ، 2018
چین کی کمپنی شنگھائی الیکٹرک پاور کی کے الیکٹرک کی خریداری میں دلچسپی برقرار ہے اور اس نے پاکستان اسٹاک ایکسچینج میں دوبارہ کے الیکٹرک کی خریداری کی پیش کش جمع کرای ہے۔
شنگھائی الیکٹرک پاور کے پاکستان میں منیجر عارف حبیب لمیٹڈ کے مطابق کے الیکٹرک کی خریداری کی پیش کش کی 26 مارچ آخری تاریخ گزرنے سے پہلے پاکستان اسٹاک ایکسچینج کو دی جانے والی پیش کش واپس لے لی ہے۔
ڈیل منیجر کا کہنا ہے کہ کے الیکٹرک کے 66 اعشاریہ چار فیصد شیئرز کی خریداری کی نئی پیش کش 27مارچ کو پاکستان اسٹاک ایکسچینج کو دے دی گئی ہے۔
شنگائی الیکٹرک پاور نے کے الیکٹرک کے 18 ارب 33 کروڑ شیئر کی خریداری کےلیے ایک ارب 77 کروڑ ڈالر کی پیش کش کی ہے۔
ذرائع کے مطابق شنگھائی الیکٹرک پاور کے وفد کی وزیر اعظم شاہد خاقان عباسی سے پیر کو اسلام آباد میں ملاقات بھی ہوئی ہے۔ وفد کی سربراہی شنگھائی الیکٹرک پاور کے چئیرمین وانگ یونگ نے کی تھی۔
ذرائع کا کہنا ہےکہ شنگھائی الیکٹرک پاور نے کے الیکٹرک کی خریداری کے معاملے کو جلد پایہ تکمیل تک پہنچانے کےلیے تعاون طلب کیا ہے۔
ذرائع کے مطابق حکومت نے کے الیکٹرک کے معاملے پر ہر ممکن مدد فراہم کرنے کی یقین دہانی کراتے ہوئے شنگھائی الیکٹرک پاور کو بھی تمام قانونی تقاضے پورے کرنے کی ہدایت کی ہے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
