ن لیگ کو شکست دینے کیلئے جہاں ضروری ہوا سیٹ ایڈجسٹمنٹ کریں گے،عمران خان

پاکستان تحریک انصاف (پی ٹی آئی) کے چیئرمین عمران خان نے کہا ہے کہ ن لیگ کو شکست دینے کے لیے جہاں ضروری ہوا سیٹ ایڈجسٹمنٹ کریں گے۔

 چیئرمین پی ٹی آئی نے کہا کہ ’ہم فرشتے نہیں انسان ہیں غلطیاں ہوتی ہیں، شریف برادران یا تو شوکت خانم پر حملہ کرتے ہیں یا میری ذاتی زندگی پر‘۔

عمران خان نے کہا کہ اس بار ان کی ہر حکمت عملی انتخابات جیتنے کی ہے اور ان کا مقابلہ اسٹیٹس کو کی جماعتوں سے ہے۔

انہوں نے کہا کہ اسٹیٹس کو کی سب سے بڑی جماعت ن لیگ ہے اور اصل مقابلہ ن لیگ سے ہی ہے، دوسری جماعت پیپلز پارٹی ہے لیکن وہ اندرون سندھ تک محدود ہوگئی ہے، اس بار انہیں کراچی میں بھی مشکل ہوگی۔

چیئرمین پی ٹی آئی نے کہا کہ ن لیگ کو شکست دینے کے لیے ہر طریقہ اپنائیں گے، اگر ہمیں لگا کہ کسی حلقے میں ہمارا امیدوار کمزور ہے لیکن کوئی ن لیگ کا مخالف تگڑا ہے اور ن لیگ کے امیدوار کو شکست دے سکتا ہے تو ہم سیٹ ایڈجسٹمنٹ کریں گے۔

شریف برادران ہی کتاب اورچودھری افتخارکے پیچھے ہیں،عمران خان

عمران خان نے کہا کہ کتاب اور چوہدری افتخار کے پیچھے بھی شریف برادران ہیں، یہ لوگ ہمیشہ سے ایسا ہی کرتے آئے ہیں۔

انہوں نے کہا کہ ہمیں میچ میں ن لیگ کو ہرانا ہے، پیپلز پارٹی اور ن لیگ کے لوگ پی ٹی آئی میں شامل ہوئے ہیں تاہم 60 فیصد لوگ پی ٹی آئی کے اپنے ہی ہیں۔

چیئرمین پی ٹی آئی نے کہا کہ ’الیکشن جیتنے کے لیے اسٹریٹجی بنادی ہے، امیدواروں کو ٹکٹ دینے سے قبل کرائے گئے مقبولیت کے 95 فیصد سروے درست ثابت ہوئے، ہمارا منشور تیارہے 3 سے 5 جولائی کے درمیان جاری کردیں گے۔

تحریک انصاف میں گروپنگ موجود ہے، عمران خان

جیو نیوز کے پروگرام کیپٹل ٹاک میں گفتگو کرتے ہوئے عمران خان نے کہا کہ تحریک انصاف میں جہانگیر ترین اور شاہ محمود قریشی کے گروپس موجود ہیں۔

عمران خان نے یہ امید بھی ظاہر کی کہ ایک بار جب پی ٹی آئی حکومت میں آجائے گی تو یہ گروپنگ ختم ہوجائے گی۔

تحریک انصاف کور گروپ کے اجلاس میں شاہ محمود اور جہانگیر ترین آمنے سامنے

دونوں رہنماؤں کے درمیان تلخ جملوں کے تبادلوں پرعمران خان کو مداخلت کرنی پڑی، ذرائع، تحریک انصاف کی قیادت مکمل یکسو اور متحد ہے، ترجمان

سربراہ تحریک انصاف نے پروگرام کیپیٹل ٹاک میں گفتگو کرتے ہوئے اس بات کا بھی اعلان کیا ہے کہ وہ ارکان قومی و صوبائی اسمبلی کو ترقیاتی فنڈز جاری نہیں کریں گے۔

حامد میر سے گفتگو کرتے ہوئے عمران خان نے کہا کہ ایم این ایز اور ایم پی ایز کو ترقیاتی فنڈز دینے کا عمل کرپشن کو فروغ دیتا ہے۔

شاہ محمود قریشی اور جہانگیر ترین کے درمیان سرد جنگ، ایک دوسرے پر الزامات

شاہ محمود قریشی نے کہا کہ جو شخص سیاست میں نہیں اس سے میرا کیا مقابلہ، شاہ محمود قریشی دوسروں پر الزامات کے بجائے کارکنوں کے تحفظات دور کریں، جہانگیر ترین کا جواب

قومی فضائی ایئر لائن پی آئی اے کے بارے میں بات کرتے ہوئے چیئرمین تحریک انصاف نے کہا کہ اگر ان کی حکومت آئی تو وہ پی آئی اے کی نجکاری نہیں کریں گے۔