28 جون ، 2018 
انتخابات سے قبل پاکستان تحریک انصاف کو لیہ میں بڑا دھچکا
28 جون ، 2018
پاکستان تحریک انصاف کو لیہ میں بڑا دھچکا لگا ہے، سیہڑ گروپ نے چار ٹکٹ ملنے کے باوجود اچانک پارٹی چھوڑ دی۔
سیہڑ گروپ کو قومی اسمبلی کا ایک اور صوبائی اسمبلی کے تین ٹکٹ دیے گئے تھے پھر بھی انہوں نے پارٹی چھوڑ دی۔
میہڑ گروپ کی پارٹی سے علیحدگی کے بعد تحریک انصاف نے یہ ٹکٹ مجید نیازی گروپ کو الاٹ کردیئے۔ ذرائع کے مطابق سیہڑ گروپ کو پارٹی میں جہانگیر ترین لائے تھے جبکہ مجید نیازی گروپ کو شاہ محمود قریشی کی حمایت حاصل ہے۔
ٹکٹ نہ ملنے پر پی ٹی آئی ضلع لیہ کے صدر بشارت رندھاوا نے بھی پارٹی چھوڑنے کا اعلان کردیا اور اب وہ آزاد حيثيت میں الیکشن لڑیں گے۔
پی ٹی آئی کے پی پی 281 سےامیدوار شہاب الدین سیہڑ پارٹی چھوڑگئے، پی پی 282 سے سجاد خان سیہڑ بھی پارٹی چھوڑ گئے۔
ذرائع کے مطابق پی ٹی آئی کے این اے187 سے امیدوار سردار بہادر سیہڑ پارٹی چھوڑ گئے۔
