22 اگست ، 2018 
پاکستان
اللہ پاکستان کو کامیابیاں، خوشیاں اور خوشحالی عطا فرمائے، اہلیہ عمران خان
22 اگست ، 2018
وزیراعظم عمران خان کی اہلیہ بشریٰ بی بی نے دعا کی ہے کہ اللہ پاکستان کو کامیابیاں، خوشیاں اور خوشحالی عطا فرمائے۔
خاتون اول بشری بی بی نے عیدالاضحیٰ پر اپنے پیغام میں کہا ہے کہ آئیں نئی قیادت کے سائے تلے متحد ہو جائیں۔
بشریٰ بی بی نے مزید کہا کہ آئیں نئے پاکستان کے لیے پُر امید رہیں۔
انہوں نے دعا کی کہ اللہ تعالی پاکستان کو پاکستان کو کامیابیاں، خوشیاں اور خوشحالی عطا فرمائے۔
قبل ازیں وزیراعظم عمران خان نے عید پر اپنے پیغام میں کہا تھا کہ کوئی قوم قربانی کے جذبے کے بغیر ترقی نہیں کر سکتی۔
وزیراعظم کا یہ بھی کہنا تھا کہ قربانی کا جذبہ ایک عالمگیر حیثیت کا حامل ہے، کوئی بھی قوم ایثار و قربانی کے جذبے کے بغیر ترقی نہیں کر سکتی۔
