مقبوضہ کشمیر کے ڈھونگ بلدیاتی انتخابات، کشمیریوں نے بائیکاٹ کرکے فیصلہ سنادیا

کشمیریوں کو بھارت ہمیشہ ہمیشہ کے لیے نامنظور، مقبوضہ کشمیر کے ڈھونگ بلدیاتی انتخابات میں 95.73 فیصد کشمیریوں نے بائیکاٹ کر کے بھارت اور دنیا بھر کو واشگاف انداز میں اپنا فیصلہ سنا دیا۔

کشمیریوں نے ڈھونگ انتخابات کا ایسا بائیکاٹ کیا کہ امیدوار اپنے آپ کو خود ووٹ ڈالنے بھی نہیں آئے،ایک امیدوار تین ووٹ حاصل کر کے جیتا، بارہ مولا میں ایک امیدوار صرف ایک ووٹ حاصل کر کے جیتا، سری نگر کے ایک وارڈ میں کوئی امیدوار اپنے آپ کو بھی ووٹ ڈالنے نہ آیا جس کے بعد مقابلہ صفر، صفر، صفر سے برابر ہو گیا، عالمی سطح پر کم سے کم ووٹ حاصل کرنے کا نیا ریکارڈ قائم ہو گیا۔

مقبوضہ وادی میں بھارت کے ڈھونگ انتخابات کا پول خود بھارتی میڈیا نے ہی کھولا، وادی کے میونسپل انتخابات کو 1989 کے الیکشن سے بھی بدتر قرار دے دیا۔

قابض بھارتی فورسز کے ہاتھوں مقبوضہ کشمیر میں مزید 9 کشمیری شہید

ضلع کلگام میں کرفیو نافذ، انٹرنیٹ سروس بھی معطل جب کہ حریت قیادت نے کل وادی میں مکمل ہڑتال کا اعلان کیا ہے، کے ایم ایس

میونسپل انتخابات کا ٹرن آؤٹ 4.27 فیصد رہا، اتنا کم ٹرن آؤٹ وادی میں 1951 سے اب تک کم ترین ریکارڈ ہے۔

ضلع بارہ مولا میں ایک امیدوار صرف ایک ووٹ لے کر کامیاب ہوا، ایک وارڈ میں صرف تین ووٹ پڑے، سری نگر کے ایک وارڈ میں کوئی ووٹ نہیں ڈالا گیا حتیٰ کہ کسی امیدوار نے بھی ووٹ نہیں ڈالا۔

وادی میں انتخابی امیدواروں نے کوئی انتخابی مہم نہیں چلائی اور نہ ہی الیکشن آفس نے انتخابی کوریج کی میڈیا کواجازت دی۔

مقبوضہ وادی میں میونسپل اور پنچایت انتخابات 8 اکتوبر سے تین مرحلوں میں ہوئے تھے، حریت قیادت نے ڈھونگ انتخابات کا بائیکاٹ کیا تھا۔