02 نومبر ، 2018 
فاسٹ بولر جنید خان نے فٹنس سے متعلق افواہوں کی تردید کردی
02 نومبر ، 2018
لاہور: قومی کرکٹ ٹیم کے فاسٹ بولر جنید خان نے خراب فٹنس سے متعلق خبروں کی تردید کی ہے۔
جنید خان کے حوالے سے قیاس آرائیاں کی جا رہی تھیں کہ وہ فٹنس مسائل سے دوچار ہیں جس کے باعث قائد اعظم ٹرافی ون ڈے کپ کے سیمی فائنل سے باہر ہوگئے جس کی جنید خان نے تردید کی۔
جیو نیوز سے بات کرتے ہوئے جنید خان کا کہنا تھا کہ بیٹے ایان کے پاسپورٹ کے سلسلے میں جمعے کی صبح اسلام آباد برٹش ایمبیسی جانا تھا اور اس حوالے سے حبیب بینک انتظامیہ سے سیمی فائنل نہ کھیلنے کا پہلے ہی کہہ چکا تھا۔
حبیب بینک اور پی ٹی وی کی ٹیموں کے درمیان سیمی فائنل آج لاہور کے قذافی اسٹیڈیم میں کھیلا جارہا ہے۔
جنید خان کا کہنا تھا کہ کہ مکمل فٹ ہوں اور نیوزی لینڈ کے خلاف ون ڈے سیریز کھیلوں گا جب کہ پی سی بی کو اپنی دستیابی کے حوالے سے بھی آگاہ کردیا ہے۔
دوسری جانب جنید خان کی قومی ٹیم میں شمولیت کے لیے فٹنس کا جائزہ لیا جارہا ہے کیوں کہ وہ نیوزی لینڈ کے خلاف سیریز میں شمولیت کے لیے مضبوط امیدوار ہیں۔
خیال رہے کہ جنید خان ایشیا کپ میں پاکستان کرکٹ ٹیم کی نمائندگی کرچکے ہیں جب کہ ون ڈے اسکواڈ میں بھی شامل تھے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
