06 دسمبر ، 2018 
آسٹریلیا نے پاکستان کو شکست دے کر پہلا ویٹرنز کرکٹ ورلڈ کپ جیت لیا
06 دسمبر ، 2018
سڈنی: آسڑیلیا میں کھیلے جانے والے پہلے ویٹرنز ورلڈ کپ کے فائنل میں میزبان آسڑیلیا نے پاکستان کو 3 رنز سے شکست دے کر ٹائٹل اپنے نام کرلیا۔
سڈنی میں کھیلے گئے فائنل میچ میں آسٹریلوی پہلے بیٹنگ کرتے ہوئے 44 اوورز میں 165 رنز بنا کر آؤٹ ہوئی، کینگروز کی جانب سے ٹونی کلارک 44 رنز بنا کر نمایاں رہے۔
پاکستان کی جانب سے جعفر قریشی سب سے کامیاب بولر رہے، انہوں نے 25 رنز دے کر تین وکٹیں حاصل کیں جب کہ دستگیر بٹ نے 2 کھلاڑیوں کو آؤٹ کیا۔
ہدف کے تعاقب میں پاکستان کی اننگز کا آغاز اچھا نہ تھا، اوپنرز ساجد علی، شاھد انور اور کپتان غلام علی جلد آؤٹ ہوئے، اس مرحلے پر بابر الطاف بٹ نے 59 گیندوں پر 46 رنز کی ایک عمدہ اننگز کھیلی۔
امتیاز تارڑ 28 رنز بنا کر ناٹ آؤٹ رہے پاکستان کی ٹیم 8 وکٹ پر 162 رنز بنا سکی، اور ڈرامائی انداز میں آسڑیلیا نے فائنل تین رنز سے جیت لیا، جان شارٹ نے 27 رنز دے کر 3 وکٹیں حاصل کیں۔
یاد رہے کہ 21 نومبر سے 5 دسمبر تک کھیلے جانے والے 50 سال سے زائد العمر کرکٹرز کے اس پہلے ویٹرنز ورلڈ کپ میں آٹھ ٹیموں نے شرکت کی، میزبان آسڑیلیا اور پاکستان کے علاوہ سری لنکا، جنوبی افریقا، کینیڈا، نیوزی لینڈ، انگلینڈ اور ویلز کی ٹیموں نے ایونٹ میں شرکت کی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
