14 جنوری ، 2019 
پاکستان
سی سی ٹی وی فوٹیج (بائیں) میں دیکھا جا سکتا ہے کہ کالے رنگ کا برقع پہنے ایک خاتون بچے کو اپنے ساتھ لے جا رہی ہے—۔جیو نیوز اسکرین گریب
بچے کے اغوا کا مقدمہ اس کے والد کی مدعیت میں درج کرلیا گیا—۔جیو نیوز اسکرین گریب
لاہور: گلشن اقبال پارک سے5 سالہ بچہ اغوا، سی سی ٹی وی فوٹیج منظرعام پر
14 جنوری ، 2019
لاہور: صوبہ پنجاب کے دارالحکومت لاہور میں واقع گلشن اقبال پارک سے ایک 5 سالہ بچے کو نامعلوم برقع پوش خاتون نے مبینہ طور پر اغواء کرلیا، جس کی سی سی ٹی وی فوٹیج بھی سامنے آگئی۔
5 سالہ سعد اپنی فیملی کے ساتھ پارک آیا تھا اور جھولے لیتے ہوئے اہلخانہ سے بچھڑ گیا تھا۔
سی سی ٹی وی فوٹیج میں دیکھا جا سکتا ہے کہ کالے رنگ کا برقع پہنے ایک خاتون بچے کو اپنے ساتھ لے جا رہی ہے۔
پولیس نے بچے کے اغوا کا مقدمہ اس کے والد فہد امان کی مدعیت میں درج کر لیا۔
ایف آئی آر کے مطابق نامعلوم خاتون بچے کو ورغلا کر پارک کے ایک نمبر دروازے سے اسے اپنے ہمراہ لے گئی۔
