22 جنوری ، 2019 
ون ڈے کرکٹ: کپتان سرفراز احمد کی سنچری مکمل
22 جنوری ، 2019
کنگز میڈ ڈربن میں پاکستان اور جنوبی افریقا کے درمیان کھیلا جا رہا دوسرا ون ڈے انٹرنیشنل پاکستان کرکٹ ٹیم کے وکٹ کیپر کپتان سرفراز احمد کا سواں ون ڈے انٹرنیشنل ہے۔
سرفراز احمد ون ڈے کرکٹ میں پاکستان کے 159ویں کھلاڑی تھے،جنھوں نے 18نومبر 2007ء کو اپنا پہلا ون ڈے بھارت کے خلاف جے پور میں کھیلا تھا۔
سرفراز احمد نے گیارہ سال میں پاکستان کے لیے 99ون ڈے میں 32.67کی اوسط سے 1895رنز دو سنچریوں اور 9نصف سنچریوں کی مدد سے اسکور کرنے کے ساتھ بطور وکٹ کیپر 96کیچ اور 23اسٹمپڈ کیے ہیں۔
سرفراز احمد ون ڈے میچوں کی سنچری مکمل کرنے والے پاکستان کے چوتھے وکٹ کیپر ہوں گے۔
ان سے پہلے معین خان نے پاکستان کے لیے 219راشد لطیف نے 166اور کامران اکمل نے 157ون ڈے کھیلے ہیں۔
پاکستان کی جانب سے سب سے زیادہ 393ون ڈے کھیلنے شاہد خان آفریدی ہیں ۔
سرفراز احمد ون ڈے کرکٹ میں میچوں کی سنچری مکمل کرنے والے پاکستان کے 32ویں کھلاڑی ہوں گے۔
ون ڈے کرکٹ میں پاکستان کی جانب سے سو میچ مکمل کرنے والے پہلے کھلاڑی جاوید میانداد تھے۔17نومبر 1986ء کو جاوید میانداد نے ویسٹ انڈیز کے خلاف ملتان میں یہ اعزاز حاصل کیا تھا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
