سابق وزیراعظم نوازشریف سروسز اسپتال سے کوٹ لکھپت جیل منتقل

لاہور: سابق وزیراعظم نوازشریف کو اسپتال سے کوٹ لکھپت جیل منتقل کردیا گیا۔

سابق وزیراعظم نوازشریف گزشتہ چند روز سے خرابیٔ صحت کی بناء پر لاہور کے سروسز اسپتال میں داخل تھے جہاں میڈیکل بورڈ نے ان کے مختلف ٹیسٹ کیے اور ان کی صحت کا تفصیلی معائنہ بھی کیا گیا۔

’جیل واپس بھجوایا جائے‘: نوازشریف نے اسپتال منتقل ہونے سے انکار کردیا

میں پہلے بھی پی آئی سی میں جا چکا ہوں، پھر سروسز اسپتال لایا گیا، یہ خانہ بدوشی مناسب نہیں: سابق وزیراعظم

گزشتہ روز میڈیکل بورڈ نے نوازشریف کا معاملہ محکمہ داخلہ کو   ریفر کیا تھا اور ان کو فوری طور پر امراضِ قلب کے اسپتال منتقل کرنے کی سفارش کی تھی تاہم سابق وزیراعظم نے اسپتال کی بجائے واپس جیل جانے پر اصرار کیا تھا۔

سابق وزیراعظم نے جمعرات کو ملاقاتیوں کے روز اہلخانہ سے ملاقات کی جن میں ان کی والدہ اور صاحبزادی مریم نواز بھی شامل تھیں۔

نوازشریف کو ملاقاتوں کے بعد جیل حکام نے سروسز اسپتال سے کوٹ لکھپت جیل منتقل کیا۔

سابق وزیراعظم کی اسپتال سے جیل منتقلی کے موقع پر سیکیورٹی کے سخت انتظامات کیے گئے تھے۔