07 فروری ، 2019 
درجنوں کرکٹرز بے روزگار، پی سی بی نے محکمہ جاتی ٹیمیں ختم کرنے کا فیصلہ کرلیا
07 فروری ، 2019
لاہور میں پاکستان کرکٹ بورڈ کے گورننگ بورڈ کا 52 واں اجلاس تو ختم ہوگیا البتہ پی سی بی نے اجلاس کے بعد جو اعلامیہ جاری کیا اس میں اجلاس کے اہم مندرجات سامنے نہیں لائے گئے۔
گورننگ بورڈ کے اجلاس کی اندرونی کہانی یہ ہے کہ چئیرمین پی سی بی احسان مانی نے وزیراعظم پاکستان عمران خان کی ہدایت کو مد نظر رکھتے ہوئے اراکین پر واضح کردیا کہ محکمہ جاتی ٹیموں کا کوئی مستقبل نہیں جس پر تفصیلات کے مطابق ریجنز کی جانب سے سامنے آنے والے تحفظات کو یکسر نظر انداز کر دیا گیا۔
نئے ڈومیسٹک سیزن میں اب 8 ریجنز فرسٹ کلاس کرکٹ کھیلیں گی جس کے مطابق ٹیموں کے ساتھ محکموں کو ملا کر ٹیمیں بنائی گئی ہیں،البتہ ریجنز اور محکموں کے معاملات ابھی طے ہونا باقی ہیں۔
نئے قوانین کے مطابق فرسٹ کلاس سیزن کا آدھا خرچ محکمے اور آدھا بورڈ ادا کرے گا، انتظامی امور کی انجام دہی ابھی طے نہیں ہو سکی البتہ نئے فارمولے کے مطابق محکموں کو درجنوں کرکٹرز کو فارغ کرنا پڑے گا جو ماہانہ تنخواہ لے کر ان کی طرف سے فرسٹ کلاس سیزن کھیلا کرتے تھے۔
نئے فرسٹ کلاس سیزن میں ابتدائی معلومات کے مطابق ریجنز کے کھلاڑیوں کو سلیکشن میں اہمیت دی جائے گی۔ جو 8 ریجنز قائداعظم ٹرافی کھیلنے کیلئے منتخب ہوئے ہیں ان کی تفصیلات کچھ اس طرح سے ہے، کراچی حبیب بینک، لاہور سوئی نادرن گیس، ملتان زرعی ترقیاتی بینک، اسلام آباد پی ٹی وی، فیصل آباد نیشنل بینک، راولپنڈی خان ریسرچ لیبارٹریز، پشاور واپڈا اور فاٹا سوئی سدرن گیس کمپنی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
