26 فروری ، 2019 
شائقین کرکٹ اب پی ایس ایل فائنل ٹی وی اسکرین پر ہی دیکھ سکیں گے
26 فروری ، 2019
شائقین کرکٹ کراچی میں پاکستان سپر لیگ فائنل کیلئے پرجوش ہیں لیکن فائنل سے تین ہفتے قبل ہی تمام ٹکٹ ایڈوانس میں فروخت ہوگئے۔
اب تک جو لوگ ٹکٹ خریدنے کا سوچ رہے تھے ان شائقین کرکٹ کو گھروں میں ٹی وی پر بیٹھ کر ہی فائنل میچ دیکھنا ہوگا۔
پاکستان میں پی ایس ایل فائنل سمیت 8 میچز ہوں گے۔ پاکستان کرکٹ بورڈ کیلئے ٹکٹ فروخت کرنے والی کمپنی کے ایک اعلیٰ افسر نے دعویٰ کیا ہے کہ 17 مارچ کو نیشنل اسٹیڈیم کراچی میں ہونے والے پاکستان سپر لیگ فائنل کے تمام ٹکٹ ایڈوانس میں فروخت ہوچکے ہیں۔
منگل کی شب دبئی اسٹیڈیم میں پاکستان سپر لیگ کی ٹرافی پی سی بی نے مقامی کوریئر کمپنی کے حوالے کردی۔ اس موقع پر کوریئر کمپنی کے ڈائریکٹر قاسم اعوان نے کہا کہ کراچی میں فائنل کے تمام ٹکٹ فروخت ہوچکے ہیں تاہم سات گروپ میچوں کے ٹکٹ ابھی دستیاب ہیں۔
پی سی بی نے پی ایس ایل ٹرافی کوریئر کمپنی کے سپرد کردی ہے جو 16 مارچ کو کانوائے کی شکل میں نیشنل اسٹیڈیم لائی جائے گی جہاں فائنل میں پہنچنے والی ٹیموں کے کپتانوں کے ساتھ فوٹو سیشن ہوگا۔
پی سی بی نے ٹرافی حوالے کرنے کی تقریب میں سوالات کے جواب دینے سے گریز کیا۔ فوٹو سیشن کے بعد پریس کانفرنس ختم کردی گئی۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
