07 مارچ ، 2019 
قذافی اسٹیڈیم کا ٹکٹ لینے والے شائقین کو رقم کی واپسی 18 مارچ کے بعد سے ہوگی
07 مارچ ، 2019
پاکستان سپر لیگ کے لاہور میں شیڈول تین میچز کی کراچی منتقلی کے بعد ایسے شائقین جو ٹکٹ حاصل کرچکے تھے انہیں رقم 18 مارچ کے بعد واپس کی جائے گی۔
ایسے شائقین جنہوں نے نجی کوریئر کمپنی کے دفتر سے قذافی اسٹیڈیم کے میچز کی ٹکٹس حاصل کیں انہیں مقرر کردہ اسی کمپنی کی برانچز سے 18 مارچ کے بعد رقم واپس کی جائے گی۔
ٹکٹ لینے والے شائقین کو نجی کورئیر کمپنی کی برانچ میں جا کر میچ کا ٹکٹ پیش کرنا ہوگا جس کے بعد کمپنی کا عملہ بغیر کسی کٹوتی کے پیسے واپس کرے گا۔
ایسے شائقین کرکٹ جنہوں نے آن لائن ٹکٹ بُک کرائے اور اس کی ادائیگی کریڈٹ کارڈ یا موبائل اکاؤنٹ کے ذریعے کی تو انہیں کچھ کرنے کی ضرورت نہیں، کیوں کہ ان کے اکاؤنٹ میں واپس پیسے منتقل کردیے جائیں گے۔
یاد رہے کہ پاکستان سپر لیگ کے فائنل سمیت 8 میچز پاکستان میں کھیلے جارہے ہیں۔
پہلے شیڈول کے مطابق تین میچز لاہور اور 5 کراچی میں کھیلے جانے تھے تاہم بعدازاں شیڈول میں تبدیلی کی گئی جس کے مطابق تمام میچز کراچی میں کھیلے جائیں گے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
5 گھنٹے پہلے
