ڈریپ کا ادویات کی قیمتوں میں اضافے پر ملک بھر میں کریک ڈاؤن
06 اپریل ، 2019
اسلام آباد: ادویات کی قیمتوں میں ازخود اضافے پر ڈرگ ریگولیٹری اتھارٹی نے ملک بھر میں کریک ڈاؤن شروع کردیا۔
ڈرگ ریگولیٹری اتھارٹی (ڈریپ) کے مطابق غیرقانونی طور پر ادویات کی قیمتوں میں اضافہ کرنے والی 31 دوا ساز کمپنیوں کے خلاف کارروائی کی گئی اور زائد قیمت وصولی پر 143 ادویات قبضے میں لے لی گئی ہیں۔
ڈریپ اعلامیے میں کہا گیا ہے کہ غیر قانونی اضافے پر ادویہ ساز کمپنیوں کے خلاف قانونی کارروائی اور بھاری جرمانے کیے گئے ہیں جب کہ قانون کی خلاف ورزی کرنے والوں کے خلاف ڈرگ ایکٹ کے تحت مقدمات کیے جارہے ہیں۔
وفاقی وزیر صحت عامر کیانی کا کہنا ہےکہ قانون کی خلاف ورزی کرنے والوں کے ساتھ آہنی ہاتھوں سے نمٹا جائے گا، عوام کو معیاری اور مناسب قیمت پر ادویات کی فراہمی ممکن بنائیں گے۔
مزید خبریں :
کراچی میں موسم گرم رہنے کا امکان
52 منٹ پہلے
ہنزہ کی 8 سالہ علیہہ کی کرکٹ سے جنون کی حد تک محبت
1 گھنٹے پہلے
وزیراعظم نے ترقی کیلئے تاجروں سے مدد مانگ لی
2 گھنٹے پہلے
