Can't connect right now! retry

دلچسپ و عجیب
06 جولائی ، 2019

اٹلی کے شہری نے کئی ممالک کے اخبارات جمع کرکے ورلڈ ریکارڈ قائم کردیا

فوٹو: بشکریہ گینیس ورلڈ ریکارڈ 

اٹلی سے تعلق رکھنے والے سیرگیو بوڈینی نامی شخص کو مختلف موضوعات پر اخبارات جمع کرنے کا ایسا انوکھا شوق ہے کہ انہوں نے دنیا کے سب زیادہ اخبارات جمع کرنے کا ریکارڈ ہی اپنے نام کرلیا۔

سیرگیو بوڈینی کے مطابق ان کے پاس دنیا کے 115 مختلف ممالک کے اخبارات کے 1444 مجموعے موجود ہیں۔

فوٹو: بشکریہ گینیس ورلڈ ریکارڈ 

سیرگیو کا کہنا تھا کہ انہیں 10  سال کی عمر سے یہ شوق پیدا ہوا، شروع میں انہوں نے اخبارات کو اپنے کمروں میں جمع کرنا شروع کیا اور بعد میں ان کا یہ شوق بڑھتا گیا اور وہ زیادہ سے زیادہ اخبارات جمع کرنے لگے۔

اخبارات جمع کرنے کے اس جنونی شوق کی وجہ سے ان کا نام "گنیز بک آف ورلڈ ریکارڈ‘ میں شامل کیا گیا۔

انہوں نے بتایا کہ اسکول کے دنوں میں مجھے ایسے پروجیکٹ ملتے تھے جن میں اخبارات کی ضرورت پڑتی تھی مجھے اس وقت سے ہی اخبارات جمع کرنے کا شوق ہوا اور میرا خواب تھا میں ایک صحافی بنوں مگر اب میں ایک کیمیا دان ہوں۔

فوٹو: بشکریہ گنیز ورلڈ ریکارڈ 

اخبارات جمع کرنے میں ان کے دوستوں اور فیملی کا بہت اہم کردار رہا ہے جب بھی کوئی ملک سے باہر یا نئی جگہ پر جاتا تھا تو ان کے لیے اخبارات ساتھ لے کر آتا تھا۔

فوٹو: بشکریہ گنیز ورلڈ ریکارڈ 

سیرگیو بوڈینی کا کہنا تھا کے ان شوق کی سب سے خوبصورت بات یہ ہے کہ پرانے اخبارات کو پڑھنے سے ہم اسی دور میں پہنچ جاتے ہیں، ہمیں اس وقت کے مسائل اور  لوگوں کے نظریات جاننے کا موقع بھی ملتا ہے۔

عالمی ریکارڈ یافتہ سیرگیو بوڈینی نے کہا کہ میرا خواب ہے کہ میرے پاس دنیا کے ہر ایک ممالک کا اخبار ہو مگر یہ بہت مشکل ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM