22 جولائی ، 2019 
سزا معطل ہو تو بھی الیکشن کیلئے نااہلیت برقرار رہے گی، سپریم کورٹ
22 جولائی ، 2019
سپریم کورٹ نے قرار دیا ہے کہ سزا کی معطلی ،جرم ثابت ہونے کی وجوہات ختم نہیں کرتی ، اپیل کے مرحلے میں سزا معطل ہو تو بھی الیکشن کیلئے نااہلیت برقرار رہے گی۔
سپریم کورٹ آف پاکستان نے نااہلی سے متعلق ایک تفصیلی فیصلے، جسے جسٹس اعجاز الاحسن نے تحریر کیا، کہا ہے کہ جرم کی سزا پر ہونے والی نااہلی تب تک قائم رہے گی جب تک اپیل کے کیس میں سزا کالعدم قرار نہیں دے دی جاتی ۔
نااہلیت کا یہ کیس سپریم کورٹ میں اس وقت زیر سماعت آیا تھا جب گجرات میں یونین کونسل الیکشن کے ایک انتخابی تنازع پر سپریم کورٹ نےامیدوار کی سزامعطل ہوجانے کے باوجوداسے الیکشن لڑنے کی اجازت نہیں دی تھی ۔
سابق چیف جسٹس ثاقب نثار کی سربراہی میں تین رکنی بنچ نے گزشتہ سال سماعت مکمل کرکے مختصر فیصلہ سنایا تھا ۔ اب بنچ کے رکن جسٹس اعجازالاحسن نے تفصیلی تحریری فیصلہ جاری کیا ہے ۔
