قومی خواتین کرکٹ ٹیم کے ہیڈ کوچ مستعفی ہوگئے

قومی خواتین کرکٹ ٹیم کے ہیڈ کوچ مارک کولز نے نجی وجوہات کی بنیاد پر عہدے سے سبکدوش ہونے کا اعلان کردیا، وہ آئندہ ہفتے نیوزی لینڈ واپس جارہے ہیں۔

ذرائع کا کہنا ہے کہ مارک کولز اور پاکستان کرکٹ بورڈ (پی سی بی) منیجمنٹ کے درمیان تعلقات مثالی نہیں رہے تھے۔ ترجمان پی سی بی کے مطابق بنگلہ دیش کے خلاف سیریز کیلئے بیٹنگ کوچ ‏اقبال امام کو ٹیم کا عبوری ہیڈ کوچ مقرر کردیا گیا ہے۔

’بگ بیش کھیلنا صرف میرے لیے نہیں دیگر قومی پلیئرز کیلئے بھی فائدہ مند ہو گا‘

جو کچھ بگ بیش سے سیکھ کر آؤں گی اسے دیگر ساتھی کرکٹرز کے ساتھ بھی شیئر کروں گی: ندا ڈار

مارک کولز نے نجی مصروفیات کے باعث عہدے سے الگ ہونے کا اعلان کیا، مارک کولز کا معاہدہ انٹرنیشنل کرکٹ کونسل (آئی سی سی) ویمنز کرکٹ ورلڈ کپ 2020 تک تھا۔

مارک کولز نے 2017 میں قومی خواتین کرکٹ ٹیم کے ہیڈ کوچ کی ذمہ داریاں سنبھالی تھیں، مارک کولز کا کہنا تھا کہ پاکستان ‏ویمن کرکٹ ٹیم کے ساتھ کام کرنے کا لطف آیا تاہم اس وقت میرے اہلخانہ کو میری ضرورت ہے۔

انہوں نے کہا کہ طویل سوچ بچار کے بعد پی سی بی کو فیصلے سے آگاہ کردیا ہے۔ پی سی بی کے چیف ایگزیکٹو وسیم خان نے کہا ہے کہ مارک کولز کے دور میں ویمن ٹیم کی کارکردگی میں بہتری آئی۔