23 اکتوبر ، 2019 
سری لنکا کے بعد ایک اور انٹرنیشنل کرکٹ ٹیم کی پاکستان آمد
23 اکتوبر ، 2019
پاکستان میں انٹرنیشنل کرکٹ بحال کی راہ پر گامزن ہے اور سری لنکن کرکٹ ٹیم کے کامیاب دورے کے بعد اب بنگلا دیش کی ویمن کرکٹ ٹیم بھی پاکستان پہنچ گئی ہے۔
بنگلا دیش ویمن کرکٹ ٹیم لاہور کے علامہ اقبال انٹرنیشنل ائیرپورٹ پہنچی جہاں پاکستان کرکٹ بورڈ ( پی سی بی) ویمن ونگ کی عہدیداروں نے مہمان ٹیم کا استقبال کیا جس کے بعد مہمان کھلاڑیوں کو ہوٹل پہنچایا گیا۔
بنگلا دیش اور پاکستان ویمن کرکٹ ٹیموں کے درمیان تین ٹی ٹونٹی اور دو ایک روزہ میچوں پر مشتمل سیریز کھیلی جائیں گی۔
کل دونوں ٹیمیں ٹریننگ کریں گی جب کہ ٹرافی کی رونمائی بھی کل ہی ہو گی۔
شیڈول کے مطابق دونوں ٹیموں کے درمیان پہلا ٹی ٹوئنٹی میچ 26، دوسرا 28 اور تیسرا 30 اکتوبر کو کھیلا جائے گا جب کہ ون ڈے میچز 2 اور 4 نومبر کو ہوں گے۔
تمام میچز قذافی اسٹیڈیم لاہور میں کھیلے جائیں گے جسے دیکھنے کے لیے اسٹیڈیم میں شائقین کرکٹ کا داخلہ فری ہے لیکن اسٹیڈیم آنے والوں کو شناختی کارڈ ساتھ لانا ہو گا۔
تمام میچز کے لیے اسکولوں، کالجز اور یونیورسٹیز کی طالبات کو خصوصی طورپر مدعو کیا جائے گا۔
واضح رہے کہ گزشتہ روز بنگلا دیش کی انڈر 16 کرکٹ ٹیم بھی راولپنڈی پہنچی ہے جب کہ بنگلا دیش کرکٹ ٹیم کا دورہ پاکستان جنوری فروی میں شیڈول ہے۔
مزید خبریں :
باکسنگ ڈے ٹیسٹ میچ کے پیچھے کہانی کیا ہے؟
8 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
