مسوڑھوں سے خون کا رساؤ، نواز شریف کا پھر معائنہ

لاہور: سابق وزیراعظم نوازشریف کا سروسز اسپتال میں علاج جاری ہے جہاں ڈاکٹروں نے آج ان کے دانتوں کا معائنہ کیا۔

اسپتال ذرائع کے مطابق چندروز قبل نوازشریف  کے مسوڑھوں سے خون آیا تھا جس بناء پر ڈاکٹروں نے انہیں ٹوتھ برش کرنے سے بھی منع کردیا تھا۔

حکومت کی پوری کوشش ہے نوازشریف باہر چلے جائیں: تجزیہ کار

نواز شریف پنجاب یا وفاقی حکومت سے اپنا نام ای سی ایل سے ہٹانے کیلئے درخواست نہیں کریں گے

بدھ کے روز  نوازشریف کو سروسز اسپتال سے ڈینٹسٹ کلینک لے جایا گیا جہاں ڈاکٹر بابر سبزواری نے ان کے دانتوں کا معائنہ کیا۔

ڈاکٹر بابر سبزواری نے بتایا کہ نواز شریف کے دو دانتوں کی فلنگ کی گئی ہے جس کے بعد انہیں برش کرنے کی اجازت دے دی گئی ہے اور اب وہ بآسانی کچھ بھی کھاسکتے ہیں۔

پس منظر

قومی احتساب بیورو (نیب) لاہور کی حراست میں میاں نوازشریف کی طبیعت21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزاررہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔

نوازشریف کو پلیٹیلیٹس انتہائی کم ہونے کی وجہ سے کئی میگا یونٹس پلیٹیلیٹس لگائے گئے لیکن اس کے باوجود اُن کے پلیٹیلیٹس میں اضافہ اور کمی کا سلسلہ جاری ہے۔

رائے یہ تھی کہ نوازشریف منتیں شروع کردیں گے

اب کی بار حکومت اور اس کے پشتی بان میاں صاحب کو جلدازجلد بیرون ملک بھیجنا چاہتے ہیں اور یوں حکومت پھنس گئی ہے

اس بورڈ کی سربراہی سروسز انسٹی ٹیوٹ آف میڈیکل سائنس (سمز) کے پرنسپل پروفیسر محمود ایاز ہیں۔

سابق وزیراعظم کے طبی معائنے کیلئے اُن کے ذاتی معالج ڈاکٹرعدنان سمیت 10 رکنی بورڈ بنایا گیا ہے جس میں کراچی کے ڈاکٹر طاہر شمسی بھی شامل ہیں۔

سابق وزیراعظم کی بیماری تشخیص ہوگئی ہے اور ان کو لاحق بیماری کا نام اکیوٹ آئی ٹی پی ہے، دوران علاج انہیں دل کا معمولی دورہ بھی پڑا جبکہ نواز شریف کو ہائی بلڈ پریشر، شوگراور گردوں کا مرض بھی لاحق ہے۔

نواز شریف کو لاہور ہائیکورٹ نے چوہدری شوگر ملز کیس میں طبی بنیادوں پر ضمانت دی ہے اور ساتھ ہی ایک ایک کروڑ کے 2 مچلکے جمع کرانے کا حکم دیا۔

دوسری جانب اسلام آباد ہائیکورٹ نے 26 اکتوبر کو ہنگامی بنیادوں پر العزیزیہ ریفرنس کی سزا معطلی اور ضمانت کی درخواستوں پر سماعت کی اور انہیں طبی و انسانی ہمدردی کی بنیاد پر 29 اکتوبر تک عبوری ضمانت دی تھی جس کے بعد اسلام آباد ہائیکورٹ نے سابق وزیراعظم کی سزا 8 ہفتوں تک معطل کردی ہے۔

خیال رہے کہ اس مقدمے میں سابق وزیراعظم کو اسلام آباد کی احتساب عدالت نے 7 سال قید کی سزا سنائی تھی۔