01 دسمبر ، 2019 
سندھی ثقافت کے دن پر رنگا رنگ تقریبات
01 دسمبر ، 2019
کراچی: سندھی ثقافت کے دن پر صوبے بھر میں رنگا رنگ تقریبات کا انعقاد کیاگیا۔
سندھی ثقافت کے دن کے موقع پر کراچی، حیدرآباد، سکھر اور نواب شاہ میں سندھی ٹوپی اور اجرک کی خرید و فروخت میں اضافہ ہوگیا۔
صوبائی دارالحکومت کراچی میں پریس کلب کے سامنے سندھ کلچر ڈے منایا گیا جس میں شہریوں کی بڑی تعداد نے شرکت کی، شرکاء سندھی ٹوپی اور اجرک پہنے ہوئے تھے۔
اس موقع پر خواتین بھی بڑی تعداد میں شریک تھیں۔
صوبے کے دیگر شہروں میں بھی سندھی ثقافت کے دن کے حوالے سے تقاریب منعقد کی گئیں۔
دوسری جانب پاکستان پیپلزپارٹی کے چیئرمین بلاول بھٹو زرداری نے سندھ کے عوام کو یوم ثقافت پر مبارک باد دیتے ہوئے کہا کہ سندھ صوفیوں کی سر زمین ہے جس نے ہمیشہ امن، محبت اور بھائی چارے کا پیغام دیا ہے۔
مزید خبریں :
گوادر میں زلزلےکے جھٹکے، شدت 4.9 ریکارڈ
1 گھنٹے پہلے
رواں سال حج کے دوران کتنے پاکستانی وفات پاگئے؟
6 گھنٹے پہلے
کراچی: مختلف علاقوں میں ایک بار پھر زلزلے کے جھٹکے
9 گھنٹے پہلے
