13 دسمبر ، 2019 
مسلم لیگ ن کے ایم پی اے رانا عبدالرؤف کی ڈگری جعلی نکلی
13 دسمبر ، 2019
عام انتخابات میں بہاول نگر سے پنجاب اسمبلی کی نشست پی پی 239 پر منتخب ہونے والے مسلم لیگ ن کے ممبر صوبائی اسمبلی رانا عبدالرؤف کی بی اے کی ڈگری جعلی نکلی۔
بلوچستان یونیورسٹی نے لیگی ایم پی اے رانا عبدالرؤف کی ڈگری کو منسوخ کرتے ہوئے نوٹیفیکشن جاری کر دیا ہے۔
بلوچستان یونیورسٹی کی جانب سے جاری کیے گئے نوٹیفیکشن کے مطابق بہاول نگر سٹی سے مسلم لیگ ن کے منتخب ہونے والے ایم پی اے رانا عبدالرؤف کی ڈگری جعلی ثابت ہونے پر یونیورسٹی کے چانسلر اور گورنر بلوچستان نے ڈگری کو منسوخ کر دیا ہے۔
رانا عبدالرؤف نے 2008 کے جنرل الیکشن میں بی اے کی ڈگری الیکشن کمیشن میں جمع کرائی تھی جسے سابق ایم پی اے راؤ اعجاز علی خان نےچیلنج کیا تھا۔
رانا عبدالرؤف 2008، 2013 اور 2018 میں مسلسل تیسری مرتبہ ممبر پنجاب اسمبلی منتخب ہو چکے ہیں۔
رانا عبدالرؤف مسلم لیگ ن کے ضلعی صدر ہیں اور مسلم لیگ ن کے سوشل میڈیا پاکستان کے ہیڈ رانا عاطف رؤف کے والد ہیں۔
