ڈگ آؤٹ میں ابو ہوں یا کوئی اور، مجھے گراؤنڈ میں خود کو ثابت کرنا ہے: اعظم خان

پاکستان سپر لیگ کے افتتاحی میچ میں اپنی دھواں دھار بیٹنگ کے ذریعے توجہ حاصل کرنے والے اعظم خان کا کہنا ہے ڈگ آؤٹ میں ابو ہوں یا کوئی اور، مجھے تو گراؤنڈ میں خود کو ثابت کرنا ہے۔

پی ایس ایل کے ابتدائی میچ میں اعظم خان نے32 گیندوں پر جارحانہ 59 رنز اکی اننگز کھیل کر اپنی ٹیم کوئٹہ گلیڈی ایٹرز کی جیت میں اہم کردار ادا کیا تھا۔

پی ایس ایل 5: کوئٹہ نے اسلام آباد کو 3 وکٹوں سے شکست دے دی

دفاعی چیمپئن کوئٹہ گلیڈی ایٹرز نے 169 رنز کا ہدف 19 ویں اوور کی تیسری گیند پر حاصل کر لیا، اعظم خان نے 59 رنز کی اننگز کھیلی۔

اعظم خان سے شاداب خان کو چھکا لگانے کے حوالے سے پوچھا گیا تو ان کا کہنا تھا کہ جب شارٹ کھیلا تو ففٹی ففٹی تھا پتہ نہیں چھکا ہو گا یا آؤٹ ہو گا لیکن جس طرح آصف علی پیچھے جا رہے تھے تو مجھے لگا کہ یہ چھکا ہو سکتا ہے کیونکہ وہ باؤنڈری کے بالکل قریب تھے، جب انہوں نے جمپ لگائی تو مجھے یقین ہو گیا کہ یہ چھکا ہی ہو گا۔

معین خان سے متعلق پوچھے گئے سوال پر اعظم خان نے کہا کہ ابو ڈگ آؤٹ میں ہوں یا کوئی بھی، مجھے گراؤنڈ میں بتانا ہے کہ میں کیا ہوں۔