بسمہ معروف ویمنز ٹی ٹوئنٹی ورلڈکپ سے باہر

قومی خواتین کرکٹ ٹیم کی کپتان بسمہ معروف انجری کے باعث آئی سی سی ویمنز ٹی ٹوئنٹی ورلڈ کپ 2020 سے باہر ہوگئیں۔

ایونٹ کے دوران انگلینڈ کے خلاف میچ میں بسمہ معروف کے دائیں انگوٹھے میں فریکچر ہوگیا ہے۔

ویمن ٹی ٹوئنٹی ورلڈکپ: انگلینڈ نے پاکستان کو 42 رنز سے شکست دے دی

پاکستان کی پوری ٹیم میچ کے آخری اوور میں 116 رنز پر آؤٹ ہو گئی اور یوں 42 رنز کی شکست پاکستان کا مقدر ٹھہری

پاکستان اور انگلینڈ کے درمیان میچ جمعہ کو کینبرا میں کھیلا گیا۔ میچ میں انگلینڈ نے 42 رنز سے کامیابی حاصل کی۔

پاکستان کرکٹ بورڈ (پی سی بی) نے بسمہ معروف کی جگہ ناہیدہ خان کا نام بطور متبادل کھلاڑی تجویز کیا ہے۔

ناہیدہ خان کے نام کی منظوری ایونٹ ٹیکنکل کمیٹی دے گی۔ بسمہ معروف کی عدم موجودگی میں جویریہ خان ایونٹ میں قومی خواتین کرکٹ ٹیم کی قیادت کریں گی۔

بسمہ معروف ہفتے کو پاکستان ویمنز اسکواڈ کے ہمراہ سڈنی روانہ ہوں گی جہاں کرکٹ آسٹریلیا کے آرتھوپیڈک سرجن ان کی سرجری کریں گے۔

ویمن ٹی 20 ورلڈ کپ: پاکستان نے ویسٹ انڈیز کو شکست دیدی

پاکستان ویمن نے بہترین بیٹنگ کا مظاہرہ کیا اور 124 رنز کا ہدف 2 وکٹوں کے نقصان پر حاصل کر لیا۔

انگلینڈ کے خلاف میچ میں بسمہ معروف نے 4 رنز اسکور کیے تھے۔

میچ میں پاکستان خواتین کرکٹ ٹیم 159 رنز کے تعاقب میں 116 رنز پر آؤٹ ہوگئی تھی۔

ایونٹ میں پاکستان کی ٹیم اپنا اگلا میچ جنوبی افریقا کے خلاف کھیلے گی۔

ایونٹ کے سیمی فائنل میں رسائی کے لیے پاکستان کو جنوبی افریقا اور پھر تھائی لینڈ کے خلاف میچ میں ہر صورت کامیابی کرنی ہے۔