15 مئی ، 2020 
اورنگی ٹاؤن میں ایک شخص نے بیوی کو قتل کرکے خودکشی کرلی
15 مئی ، 2020
کراچی کے ضلع غربی کے علاقے سائٹ ایریا تھانے کی حدود میٹروول نمبر4 میں فاروق اعظم مسجد کے قریب گھر میں گولیاں لگنے سے خاتون اور مرد کی ہلاکت ہوئی ہے۔
پولیس کی ابتدائی تفتیش کے مطابق مرد نے اپنی اہلیہ کو فائرنگ سے ہلاک کرکے خودکشی کی ہے۔
ایس ایس پی ویسٹ فداحسین جانوری کے مطابق خودکشی کرنے والا شخص شمس الرحمان کپڑے کا کاروبار کرتا تھا جسے معدے کی بیماری بھی لاحق تھی، گھریلو حالات کی بناء پر وہ ذہنی مریض بتایا جاتا ہے جس نے پہلے اپنی اہلیہ کو دو گولیاں مار کر ہلاک کیا جس کے بعد خود کو گولی مار کر خودکشی کرلی۔
ایس ایس پی ویسٹ نے بتایا کہ جائے وقوع سے پستول برآمد ہوا ہے جبکہ تین خالی خول بھی پولیس نے قبضے میں لے لیے ہیں۔
پولیس کے مطابق متوفی کے بیٹے کا بیان ریکارڈ کر لیا گیا ہے۔
ریسکیو ذرائع کا کہنا ہے کہ لاشیں عباسی شہید اسپتال پہنچا دی گئی ہیں جہاں لاشوں کا پوسٹ مارٹم کیا جائے گا۔
