23 مئی ، 2020
سینیٹر کہدہ بابر نے دعویٰ کیا ہے کہ بلوچستان کے علاقے پسنی میں شوال کا چاند نظر آگیا ہے۔
سینیٹر کہدہ بابر کا دعویٰ ہے کہ پسنی میں ان کے علاقے میں 30 سے زائد لوگوں نے اپنی آنکھوں سے چاند دیکھا، پسنی میں چاند دیکھنے کے بعد امام مسجد نے کل عید کا اعلان کردیا ہے۔
سینیٹر کہدہ بابر کا کہنا ہے کہ ہمارے پاس مفتی منیب الرحمان سے رابطے کا کوئی ذریعہ نہیں کہ انہیں چاند کی شہادت کا بتائیں، ہم نے ڈپٹی کمشنر پسنی کو بھی چاند نظر آنے سے متعلق مطلع کردیا ہے۔
خیال رہے کہ کراچی میں مرکزی رویت ہلال کمیٹی کا اجلاس مفتی منیب الرحمان کی سربراہی میں جاری ہے جس میں چاند کی رویت کا حتمی اعلان کیا جائے گا۔