سانگھڑ : جنگل میں لکڑیاں کاٹنے پر بااثر افراد کا بچوں پر تشدد، منہ کالا کردیا

سانگھڑ میں جنگل میں لکڑیاں کاٹنے پر بااثر افراد نے 9 بچوں پر بدترین تشدد کیا اور ان کا منہ کالا کردیا۔

پولیس کے مطابق یہ واقعہ سانگھڑ کی تحصیل کھپرو کے ایک گاؤں عاقل ہنگور کے جنگل میں پیش آیا جہاں مختلف گھرانوں کے 9 بچے لکڑیاں کاٹنے گئے تھے۔

کراچی میں بااثر افراد کے محافظوں کا پارکنگ کے معاملے پر نوجوان پر تشدد

واقعے کے بعد جب میں وہاں پہنچی تو لوگوں نے بتایا کہ یہ شاہ زین بگٹی کے لوگ ہیں، آپ آگے نہ جائیں: نوجوان کی والدہ کا الزام

رپورٹ کے مطابق لکڑیاں کاٹنے پر بااثر افراد نے بچوں پر بدترین تشدد کیا اور انہیں رسیوں سے باندھ کر ان کا منہ بھی کالا کردیا۔

کئی گھنٹوں تک رسیوں میں بندھے بچے جب چھوٹ کر  گھر پہنچے تو انہوں نے  اپنے والدین کو صورت حال سے آگاہ کیا۔

پولیس کا کہنا ہے کہ بچوں کی عمریں 6 سے 13 سال کے درمیان ہیں، والدین کی شکایت پر 4 ملزمان کے خلاف مقدمہ درج کرلیاگیا ہے اور ان کی تلاش جاری ہے۔