وزیرِ اعظم عمران کی زیرصدارت ’کراچی ٹرانسفارمیشن پلان‘ سے متعلق اجلاس

وزیرِ اعظم عمران کی زیرصدارت ’کراچی ٹرانسفارمیشن پلان‘ سے متعلق اجلاس ہوا جس میں کراچی کے مسائل کے حل سے متعلق پلان کا جائزہ لیا گیا۔

اجلاس سے خطاب میں وزیراعظم کا کہنا تھا کہ کراچی کے عوام کو صاف پانی، سیوریج، ٹرانسپورٹ اور دیگر  بےشمار مسائل درپیش ہیں، بدقسمتی سے ماضی میں ان مسائل کے مستقل بنیادوں پر حل کو نظر انداز کیا جاتا رہا۔

وزیر اعظم کی 'کراچی ٹرانسفارمیشن پلان' کو حتمی شکل دینے کی ہدایت

عوام کی مشکلات پر آنکھیں بند نہیں کرسکتے، کراچی کے مسائل کے حل کیلئے وفاق بھرپور کردار ادا کرے گا، کراچی کی ترقی ملک کی ترقی ہے، عمران خان

انہوں نے کہا کہ حالیہ بارشوں نے انتظامی ڈھانچے کے مسائل کو اُجاگر کیا، کراچی کےعوام کو درپیش مسائل کا وفاقی حکومت کو مکمل ادراک ہے۔

 وزیراعظم نے اپنا دورہ کراچی ایک دن آگے بھی بڑھا دیا، اب وزیراعظم جمعے کو نہیں بلکہ ہفتے کو کراچی آئیں گے۔

اجلاس میں وفاقی وزراء اسد عمر، سینیٹر شبلی فراز، سید امین الحق، سید علی حیدر زیدی اور چیئرمین نیشنل ڈیزاسٹر منیجمنٹ اتھارٹی (این ڈی ایم اے) لیفٹیننٹ جنرل محمد افضل شریک تھے۔

اجلاس میں گورنر سندھ عمران اسماعیل ویڈیو لنک کے ذریعے شریک ہوئے۔