12 ستمبر ، 2020 
کراچی: ہجرت کالونی میں آتشزدگی سے ایک خاندان کے 4 افراد جاں بحق
12 ستمبر ، 2020
کراچی کے علاقے سول لائن کی کچی آبادی ہجرت کالونی میں آتشزدگی سے ایک ہی خاندان کے 4 افراد جاں بحق ہو گئے۔
پولیس کے مطابق آگ آج صبح گلی نمبر 4 کی ایک دکان میں لگی تھی جو آگ بجھانے والے عملے کے پہنچنے سے پہلے پھیل گئی اور آتشزدگی سے دکان کے اوپر بنے گھر متاثر ہوئے۔
آتشزدگی کے نتیجے میں دم گھٹنے اور جھلسنے سے دو خواتین اور ایک بچی کو تشویشناک حالت میں اسپتال منتقل کیا گیا جہاں دوران علاج دو خواتین اور بچی نے دم توڑ دیا۔
جاں بحق خواتین کی شناخت عشرت بی بی اور وسیلہ کے ناموں سے ہوئی، بچی کو عائشہ بی بی کے نام سے شناخت کیا گیا۔
امدادی کام کے دوران عمارت سے ایک نوجوان شہریار کی جھلسی ہوئی لاش بھی نکالی گئی۔
تمام افراد کا تعلق ایک ہی خاندان سے بتایا جاتا ہے جو پہلی منزل پر رہائش پذیر تھے۔
