28 اکتوبر ، 2020
ڈیموکریٹک پارٹی کے امیدوار اور ڈونلڈ ٹرمپ کے حریف جوبائیڈن نے امریکی صدارتی انتخاب سے قبل اپنا ووسٹ کاسٹ کرلیا۔
امریکی صدارتی امیدوار جوبائیڈن نے اپنا ووٹ امریکی ریاست ڈیلاویر کے شہر ولمنگٹن میں کاسٹ کیا۔
خیال رہے کہ 3 نومبر کو امریکا میں 59 واں صدارتی انتخاب ہے جس میں امریکی صدر ٹرمپ دوسری مرتبہ صدارت کے امیدوار ہیں جب کہ ان کے حریف جوبائیڈن ہیں۔
واضح رہےکہ اس مرتبہ امریکی صدارتی انتخاب کےلیے ارلی ووٹنگ (الیکشن سے پہلے ووٹنگ) کے ساتھ بذریعہ ڈاک ووٹنگ کی سہولت بھی دی گئی ہے تاکہ الیکشن کے دن رش سے اجتناب کرتے ہوئےکورونا وائرس سے محفوظ رہا جاسکے۔
رپورٹ کے مطابق کوروناکے باعث اس مرتبہ ارلی ووٹنگ میں شہریوں کی بڑی تعداد حصہ لے رہی ہے اور اب تک7کروڑ 40 لاکھ شہری ارلی ووٹ یا بذریعہ میل ووٹ کاسٹ کرچکے ہیں۔
ووٹ کاسٹ کرنے سے قبل میڈیا سے گفتگو کرتے ہوئے جوبائیڈن کاکہنا تھاکہ انہیں امید ہےکہ وہ اور ڈیموکریٹس کامیاب ہوں گے تاکہ ہم بہت سی چیزوں کو درست کرکے امریکی شہریوں کے لیے ہر دن بہتر بناسکیں۔