'فرشتے آرہے ہیں‘، ٹرمپ کی جیت کیلئے روحانی مشیر کی انوکھی دعائیں

امریکا میں منگل 3 نومبر کو ہونے والے صدارتی انتخاب کے نتائج آنے کا سلسلہ جاری ہے۔

آخری اطلاعات تک صدر ڈونلڈ ٹرمپ کو 214 الیکٹورل ووٹس اور ان کے حریف جوبائیڈن کو 243 ووٹس حاصل ہیں جبکہ دونوں ہی امیدوار اب تک جادوئی نمبر 270 کو حاصل کرنے میں ناکام ہیں۔

امریکی انتخابات، جوبائیڈن کو صدر کی کرسی تک پہنچنے کیلیے 6 الیکٹورل ووٹ درکار

ڈیموکریٹک امیدوار جوبائیڈن کے الیکٹورل ووٹوں کی تعداد 264 ہوگئی ہے جب کہ ٹرمپ ان سے کئی ووٹ پیچھے 214 کے نمبر پر ہیں

7 ریاستوں میں دونوں امیدواروں کے درمیان سخت مقابلہ ہے اور جو بھی امیدوار 270 ووٹ حاصل کرے گا وہ اگلے 4 سال کیلئے امریکا کا صدر ہوگا۔

اب تک کے نتائج کے مطابق امریکی صدر ڈونلڈ ٹرمپ شکست کے دہانے پر نظر آرہے ہیں۔ اس صورتحال میں ٹرمپ کی انتخابی مہم کے عہدے داران اور خود ٹرمپ نے نتائج کو عدالت میں چیلنج کرنے کا اعلان کیا ہے۔

ٹرمپ کے حامی ان کی جیت کے لیے دعا گو ہیں اور ٹرمپ انتظامیہ میں ان کی روحانی مشیر کے عہدے پر رہنے والی پالا وائٹ نے بھی ٹرمپ کی جیت کیلئے دعا کی ہے جو انٹرنیٹ پر کافی وائرل ہورہی ہے۔

یہ کیا تماشہ ہے؟ ایرانی رہبر اعلیٰ کا امریکی انتخاب پر طنز

ایک شخص کہہ رہا ہے کہ یہ امریکی تاریخ کے فراڈ ترین انتخابات ہیں، اور یہ کون شخص کہہ رہا ہے؟ امریکی صدر جو اس وقت عہدے پر برقرار ہے، خامنہ ای

اپنے دعائیہ کلمات میں پالا وائٹ کہہ رہی ہیں کہ انہیں جیت کی آواز سنائی دے رہی ہے، کامیابی حاصل کرنے تک ہمیں کوشش کرنی ہے، افریقا اور جنوبی امریکا سے فرشتے آرہے ہیں۔

انہوں نے مزید کہا کہ افریقا سے فرشتوں کو روانہ کردیا گیا ہے، وہ یہاں پہنچ رہے ہیں، جنوبی امریکا سے بھی یہاں پہنچ رہے ہیں، مجھے فتح کی گونج سنائی دے رہی ہے۔